Transcription
1
Reçue à Grenoble, le 02 mars 1573.
2
Monsieur, vous mexcuserés sil vous plaist si je suis
3
moings diligent à vous escrire, les affères de ces ligues
4
où je me trouve maintenant se rapportent si peu à
5
celles de Daulphiné que je ne pourrois sinon vous ennuyer
6
de la lecture de mes lettres ce nest pas monsieur que
7
je naye tout souvenance de votre bonne volunté envers moy
8
et desir de vous fère service en toutes les occasions
9
qui se presenteront. Sur ceste confidence, monsieur, je
10
vous diray que monsieur de Cugy qui est vassal des
11
seigneurs du canton de Frybourg, me vint ces jours
12
passés rencontrer comme jallois de cestte ville audit
13
Frybourg me dire comme par la bonté du roy il
14
avoit eschapé les dangiers où se trouvèrent à Paris
15
ceux qui avoient suyvi ladmiral ou que lon estimoit
16
estre de son party, dont il se sentoit tellement
17
attenu à la clemence de sa majesté quil continueroit
18
tout le temps de sa vie en devotion de luy fère
19
très humble et fidelle service ; et quil mavoit voulu
20
fère entendre pour la charge que javois icy par sadite
21
majesté masseurant qu’il ne participerai jamais au
22
conseil de ceux qui feroient entreprinses contre la volunté
23
de nostre mestre et que me trouvant à la court, je pourrais
24
asseurer le roy de ceste sienne resolution et quil
25
nactendoit plus grande faveur que de recevoir ses
26
[134 v°] commandementz et luy fère service que voluntiers il
27
fust retorné en Daulphiné, mais il craignoit que si
28
quelques uns s’oublyoient de leur devoir, qu’il ne
29
luy fust imputé de y participer Il me pria
30
aussi de le vous fère entendre aux occasions.
31
Depuis ledit sieur de Cugy ma escrit et
32
se loue grandement du favorable traitement quil
33
recoit de votre bonne grace, me priant de
34
vous tesmoigner la declaration quil m’a cydevant
35
faicte et pource qu’il a estimé que ma prièr[e] pourrait
36
quelque chose en votre endroict, il a desiré que je
37
vous supplyasse de vouloir avoir luy, son frère
38
et leurs affères en votre bonne protetion, soffrans de
39
vous demeurer humbles et affectionnés serviteurs
40
ce que, monsieur, je fay daultant plus voluntiers
41
que je scay que vous avés tousiours desiré la conservation
42
des gentilzhommes qui sont de bon lieu comme ilz sont
43
et appartiennent à beaucoub de gens dhonneur en
44
ces païs. Surce je me recommanderai bien humblement
45
à votre bonne grace, priant Dieu de vous donner,
46
monsieur, longue et contente vie. Cest de Soleure
47
le IIIe jour de fevrier 1573.
48
Votre bien humble et affectionné
49
serviteur
50
Bellievre